Kilè Ajans Leta yo dwe Founi w Yon Entèprèt?
Si ou genyen pwoblèm pale ak konprann anglè epi si ou bezwen sèvis nan yon ajans, prèske tout ajans yo dwe founi w "sèvis langaj oral". TSa vle di ajans la pral founi w ak yon entèprèt lè w vizite biwo ajans la. Sa vle di tout ajans la pral anboche yon entèprèt ki pral sou telefòn la lè ou rele pou sèvis yo. Ou elijib pou kalite èd sa yo si tout sa ki annapre sa yo se verite.

• Lalwa ki ekzije entèpretasyon kouvri ajans leta a oswa pwogram la. Pou ka wè lis ajans lalwa kouvri yo.
• Genyen plizyè demann pou èd nan men moun ki pale lang ou an. Sèl fason pou konnen si lang ou an kouvri se si w fè yon demann.
• Ou pa kapab konprann anglè ki pale oswa ekri, oswa ou p kapab pale oswa ekri anglè.

Kijan yo pral Founi Mwen Ak Yon Entèprèt?
Genyen plizyè fason yon ajans ka founi yon entèprèt. Se ajans la ki pran chwa sou kijan yo okipe demann ou an fè a. Ajans la ka ofri yon estaf entèprete, yon pèsonèl ki bileng, itilize sèvis espesyal ajans entèpretasyon telefonik, oswa ajans la ka anboche yon entèprèt nan yon program entprestasyon prive.

Sèvis Tradiksyon yo: Prèske tout ajans nan gouvènman eta Maryland la oblije pou tradui dokiman ki "kritikal" nan plizyè lang.

Kilè Ajans Leta yo dwe Founi w ak Tradiksyon?
Premyèman, ou dwe travay ak youn nan ajans leta lalwa ekzije pou yo founi tradiksyon pou sèten dokiman. Pou ka wè lis ajans lalwa kouvri yo.

Dezyèmman, dokiman ajans leta a pwodui an pral tradui nan lang natif natal ou an si genyen omwens 3% oswa plis moun nan popilasyon ajans la sèvi pale lang sa a. Sa jeneralman enkli Panyòl, Chinwa ak Koreyen, men ou dwe mande sizoka omwens 3% nan popilasyon an ajans la sèvi pale lang natif natal ou a.

Pa ekzanp, ou bezwen èd nan men Biwo Komisè Jeneral Gouvènman an. Si lang ou pale a gen omwens 3% nan popilasyon moun ki mande sèvis nan men Biwo Komisè Jeneral Gouvènman la ki pale lang sa a, ajans la oblije pou tradui “dokiman kritikal yo”.

Èske Yo Pral Tradui Tout Dokiman Gouvènman Maryland yo?
Non. Yo pral tradui yon dokiman sèlman si touletwa fraz ki annapre yo vrè.

• Lalwa ki ekzije tradiksyon dokiman yo kouvri ajans leta a oswa pwogram la. Pou ka wè lis ajans lalwa kouvri yo.
• Genyen plizyè demann pou èd nan men moun ki pale lang ou an. Sèl fason pou konnen si lang ou an kouvri se si w fè yon demann.
• Dokiman an se yon “dokiman kritikal. "Dokiman Kritikal" nòmalman enkli aplikasyon pou benefis oswa sèvis, materyèl enfòmasyon, notifikasyon ak fòm ajans la oswa program la genyen pou pote plent. Genyen kèk eksepsyon.

Èske yon Ajans Gouvènman Dwe Tradui Sit Wèb yo a?
Lalwa pa espesifikman diskite sitwèb. Sepandan, lalwa mande pou yo tradui dokiman ki “kritikal” yo. Si y ap pibliye yon dokiman kritik sa ou sit wèb la, genyen yon chans yo pral pibliye tradiksyon an ansan ak vèzyon an anglè a. Gade lis ajans leta ak pwogram ki annapre yo. Si te genyen enfòmasyon ki te pibliye nan lang natif natal ou an, ou pral wè lyen sou enfòmasyon sa a. (Enfòmasyon sa vre apati dat yo te mete paj la ajou. Gade sou anba paj la pou ka jwenn dat dènye fwa yo te mete paj la ajou.)

Ki Ajans Leta Lalwa Ekzije Pou Founi Sèvis Entèpretasyon ak Tradiksyon?

• Depatman Resous Imèn - Department of Human Resources (an anglè),
• Depatman Travay, Lisans ak Regilasyon - Department of Labor, Licensing, and Regulation (an anglè),
• Depatman Ijyèn Sante ak Mantal - Department of Health and Mental Hygiene (an anglè),
• Depatman Jistis Jivenil - Department of Juvenile Justice (an anglè),
• Komisyon Konpansasyon Travayè - The Worker's Compensation Commission (an anglè),
• Depatman pou Granmoun Aje - Department of Aging (an anglè),
• Depatman Sekirite Piblik ak Sèvis Koreksyonèl - Department of Public Safety and Correctional Services (an anglè),
• Depatman Transpòtasyon - Department of Transportation (an anglè),
• Komisyon Relasyon Imèn nan Maryland - Maryland Human Relations Commission (an anglè),
• Depatman deta Lapolis - Department of State Police (an anglè),
• Verifikatè Jeneral Maryland la - Comptroller of Maryland (an anglè),
• Depatman Lojman ak Devlopman Kominotè - Department of Housing and Community Development (an anglè),
• Administrasyon Tranzit nan Maryland - Maryland Transit Administration (an anglè),
• Depatman Resous Natirèl - Department of Natural Resources (an anglè),
• Depatman Edikasyon Piblik nan Maryland - Maryland State Department of Education, (an anglè)
• Biwo Komisè Jeneral Gouvènman la - Office of the Attorney General, (an anglè)
• Depatman Agrikilti - Department of Agriculture, (an anglè)
• Depatman Biznis ak Devlopman Ekonomik - Department of Business and Economic Development, (an anglè)
• Depatman Zafè Veteran - Department of Veterans Affairs, (an anglè)
• Depatman Anviwònman - Department of the Environment (an anglè)

Si ajans la oswa pwogram w ap sèvi avèk la pa nan lis sa a, ou dwe kanmèm mande pou yon Entèpretè. Malgre lalwa kounye a pa ekzije pou ajans la genyen pwogram entèprèt espesyal:

• Li posib ajans la pral kapab jwenn yon entèprèt pou ou. Sepandan, pa gen okenn garanti.
• Men, lalwa ekzije pou ajans la deside si yo gen bezwen pou yo genyen yon sistèm. Demann ou an pral ede yo pou konprann bezwen ki genyen pou yon pwogram entèpretasyon.